fbpx

Скопје гадост ти ќе бидеш

Скопје гадост ти ќе бидеш

kopce1

Институтот за комуникациски студии од денеска во рамките на проектот „Само прашај“ почнува со објавување серија фото-стории во кои ќе бидат презентирани „грдите“ делови од средината во која живееме и од кои може да се види негрижата на државата, локалната самоуправа, компаниите и граѓаните кон урбаните места и природата кои се наше секојдневие.

Целта на серијалот е да ги поттикнеме институциите на акција, но и да алармираме дека е потребно еколошко будење и освестување дека секој од нас треба да се вклучи во напорите за заштита на природата и да придонесе кон создавање здрава и квалитетна урбана средина за живеење.

Во првата фото-сторија се опфатени локации во Скопје односно диви депонии, отпад и други неугледни „ќошиња“ во населбите Лисиче, Долно Лисиче и Драчево.

  • lisice-6
  • lisice-5
  • lisice-4
  • lisice-3
  • lisice-2
  • lisice-1
  • lisice-6
  • lisice-5
  • lisice-4
  • lisice-3
  • lisice-2
  • lisice-1

Во непосредна близина на населбата Лисиче се наоѓа локалитетот познат како Вардариште кој функцинира како дива депонија на која се одлагаат шут и разни видови отпад кои многу често намерно се опожаруваат што придонесува кон ширење на смрдеа и чад во околните населби Ново Лисиче и Аеродром во кои живеат над 100.000 граѓани. Иако овој проблем с огодини ги мачи жителите, во општина Аеродром се чини дека засега немаат трајно решение за овој проблем. Забележителни се контрастите во оваа населба каде веднаш до некои луксузни куќи може да се сретнат купишта различен видови отпад.

  • dolno-lisice4
  • dolno-lisice3
  • dolno-lisice2
  • dolno-lisice1
  • dolno-lisice
  • dolno-lisice4
  • dolno-lisice3
  • dolno-lisice2
  • dolno-lisice1
  • dolno-lisice

Слична е состојбата и во Долно Лисиче. Ако човек реши да се прошета во близина на куќите без исклучок ќе налета на градежен шут, парчиња стар мебел, каросерии од автомобили... Тука можат да се сретнат и одводни канали затрупани со пластичен и други видови отпад. Се чини дека жителите веќе навикнале и не ги приметуваат овие грди слики, а извесно е дека дел од нив се сами одговорни за загадувањето на местата во кои живеат.

  • dracevo1
  • dracevo
  • dracevo3
  • dracevo2
  • dracevo1
  • dracevo
  • dracevo3
  • dracevo2

Иронично е што во Драчево токму на локацијата каде што општина Кисела Вода поставила знак за забрана за фрлање шут, може да се забележи пластичен и други видови отпад. Се чини дека граѓаните „буквално“ ја сфатиле забраната, па сметале дека е дозволено одлагање на отпад кој не е градежен шут.

Содржините ги изработи Институтот за комуникациски студии.
Видео и фотографија: Томислав Георгиев