Чешката фирма „Локо Транс“ следните 99 години ќе го користи државното земјиштето до скопската фабрика „Железарница“. Локалната власт го одобри закупот на земјиштето, долго време оспоруван од граѓанскиот сектор и жителите на населбата Железара, бидејќи оваа парцела е наменета и за изградба на производствени капацитети за тешка индустрија.
Одбрението на градоначалникот доаѓа во време додека се чека одлуката на Уставниот суд дали ќе го поништи Деталниот урбанистички план во кој е утврдена намената за загадувачка индустрија. И градоначалникот на Гази Баба, Борис Георгиевски и фирмата инвеститор негираат дека тука ќе никне нов загадувач, бидејќи ќе се поправаат стари вагони.
Видеото го изработи Институтот за комуникациски студии.
Новинарка: Соња Петрушевска Снимател: Борис Каевски Монтажа: Ристо Душковски