Одговара Мирјанка Алексовска, експерт за креирање политики од областа на трудовото право.
Пријавувањето на работникот е јасно пропишано со членот 13 од Законот за работни односи, односно во законот е предвидено со стапување на работникот на работа, работодавачот да пополни пријава и одјава тоа е М1 М2 образец, кој електронски е достапен на сајтот на Агенцијата за вработување и истиот може да се отпечати. Значи законот предвидува пријавувањето да може да се врши непосредно и електронски со приложување на ППР образец пред работникот да започне на работа. Меѓутоа, законот предвидува и обврска работодавачот на работникот да му издаде фотокопија од пријавата или пак извод од електронскиот запис од Агенцијата за вработување како доказ дека работникот е пријавен во рок од три дена и тоа од денот на започнување на работа.
